Zbardhen detaje të reja nga vrasja e Bledar Dedjes në Itali në datë 21 Janar. Hetuesit po përpiqen të rindërtojnë dinamikën e vrasjes. Hipoteza kryesore për momentin është se bëhej fjalë për një krim pasioni.
Zbulimi i trupit me pantallona të ulura dhe plagët e shumta me thikë të shkaktuara me furi tregojnë për një krim të kryer në sulm xhelozie apo hakmarrjeje. Dyshimet janë se Dedja mund të jetë joshur në pyll nga një person që me sa duket e njihte, i cili ka vepruar si karrem, për një takim intim, ndërsa vrasësi ishte fshehur gati për të goditur.
Hetuesit ditët e fundit kanë marrë në pyetje rreth 30 persona, përfshirë të afërm dhe të njohur të viktimës, 39-vjeçari shqiptar duket se ka bërë një jetë të dyfishtë. Gruaja dyshoi për diçka, aq sa kohë më parë kishte angazhuar edhe një hetues privat për të zbuluar të njohurit e të shoqit, sipas mediave italiane.
Vrasja e mistershme e Bledar Dedjas/ Hetuesit: Dikush e joshi, një i tretë i nguli thikën
