Gazeta zviceriane “Tagesanzeiger.ch” ka publikuar një artikull të gjatë, duke marrë shkas pikërisht nga intervista që dha gjatë mbrëmjes së djeshme ish-zv/kryeministri Arben Ahmetaj, tashmë në arrati për aferën e inceneratorëve. Një intervistë dhënë pikërisht për median shqiptare.
Artikulli i Tagesanzeiger.ch tërheq jo pak vëmendjen duke marrë parasysh se vendndodhja e Ahmetajt momentalisht mbetet një mister, dhe fakti që intervista e cila duhet theksuar u zhvillua në një studio të improvizuar, raportohet nga një media zviceriane lë vend për dyshime.
A ka kërkuar Arben Ahmetaj azil politik në Zvicër?
Pjesë nga artikulli i Tagesanzeiger.ch:
Intervista u zhvillua në një studio të improvizuar. Dy burra me kostume të zeza qëndruan përballë njëri-tjetrit në një sfond të zi, njëri gazetar shqiptar me mjekër të plotë, tjetri ish-ministër muskuloz në qeverinë shqiptare. Biseda e transmetuar mbrëmjen e së enjtes nga një televizion privat në Tiranë ka zgjatur më shumë se dy orë.
Bëhej fjalë për korrupsion, shpërdorim pushteti, kërcënime, miqësi të prishura dhe absurditete të tjera të politikës shqiptare. Vendi ku u takuan dy burrat nuk u zbulua. Por sipas disa burimeve intervista ka ndodhur në Zvicër. Këtu mësohet se politikani Arben Ahmetaj fshihet nga drejtësia shqiptare, madje flitet për një kërkesë për azil. Mërgimi më i famshëm i Shqipërisë bëri një aluzion të paqartë për këtë.
Ai tani jeton në një apartament që i përket një komune në vendin pritës. Sekretariati Shtetëror për Migracionin nuk dëshiron të komentojë rastin – “për arsye të të dhënave dhe mbrojtjes personale”.
Për vite me radhë Ahmetaj ishte një njeri i fuqishëm në Tiranë: zv/kryeministër, ministër Financash, kreu i organit tatimor. Si njeri i besuar i kryeministrit Edi Rama, ai drejtoi punimet e rindërtimit pas tërmetit të 2019. Më pas Ahmetaj ra nga hiri dhe është në kërkim me urdhër arresti që në korrikun e kaluar. Mësohet se ai ka përvetësuar shuma të mëdha parash. Si shumë skandale të tjera në Shqipëri, edhe ky nisi me gjoja qëllimet më të mira.
Qeveria donte të zgjidhte problemin e plehrave në vend, të mbyllte deponitë e egra, të mblidhte mbetjet e shtrira pothuajse kudo dhe t’i hidhte ato në impiantet moderne të djegies së mbetjeve. Këta supozohej t’i ndërtonin dy biznesmenë të dyshimtë dhe ata merrnin porositë përkatëse nga shteti.
Kliko këtu për të pare artikullin e plotë:
