Zëvendëspresidenti amerikan JD Vance pritet të zhvillojë një vizitë në Zvicër, ku po nisin përgatitjet për bisedimet me Iranin, ndërsa disa zyrtarë amerikanë ndodhen tashmë në terren për aspektet teknike të negociatave.
Sipas deklarimeve të tij në një intervistë për Fox News, bisedimet do të planifikohen pasi në vend të mbërrijnë përfaqësuesit e qeverisë iraniane, si dhe delegacione nga Katari dhe Pakistani.
“Do t’i planifikojmë bisedimet kur të mbërrijnë drejtuesit e qeverisë iraniane, si dhe të qeverisë së Katarit dhe Pakistanit. Kjo mund të ndodhë që nesër, por këto gjëra janë gjithmonë paksa të paqëndrueshme”, është shprehur Vance.
Ai shtoi se procesi i organizimit të vizitës dhe negociatave është delikat dhe kërkon koordinim të vazhdueshëm diplomatik.
