Në Spanjë janë mëse të sigurt, e ardhmja e Kylian Mbappe është vetëm tek Real Madrid, këtë e konfirmon e përditshmja “AS” e cila flet për shifrat e kontratës së lojtarit.
Sipas “AS” Mbappe ka kërkuar 50 milionë euro në vit plus 120 milionë euro si bonus mirënjohje. Me largimin e sulmuesit francez, Parisi do hidhej menjëherë në kërkim të një zëvendësuesi të denjë.
Këtu topi kalon në Itali, ku sipas Corriere dello Sport, i përzgjedhuri është Rafa Leao. Portugezi sapo ka rinovuar kontratën e tij me Milan deri në 2028, por PSG mund të paguaj klauzolën e tij të largimin prej 175 milionë euro. Transferimi i Mbappe te Real Madrid shqetëson shumë futbollin anglez, pasi sipas mediave në ishull, Reali pritet të dominojë futbollin evropian në 10 vitet e ardhshme.
Prej kohësh, Perez ka ditur të përzgjedh lojtarë duke afruar në Madrid futbollistë si Jude Bellingham, Rodrygo, Vinicius jr, Eduardo Camavinga, Aurelien Tchouameni etj, lojtarë të rinj, ndërsa më Mbappe në skuadre, gjasat e një “perandorie” dominuese janë shumë të larta.
