Ish-kryeministri Sali Berisha ka publikuar një video nga atentati i djeshëm në Kurbin, ku shënjestër ishte, Ardjan Gjelosh, pronari i një kompanie intertesh.
Sipas Berishës, në vendin e krimit ku mbeti i vdekur ekonomisti i kompanisë, kanë shkuar persona të veshur me uniforma policie.
Sipas denoncimit, autorët që dyshohet të kenë qenë tetë persona i kanë bërë presion rojës së biznesit duke i thënë hape portën se jemi policia.
Reagimi i plotë i Berishës:
Policia bashkëpunëtore në vrasjen e djeshme në Kurbin.
Qytetarët dixhital akuzojnë direkt narkoshefin e policisë së Kurbinit si organizator të vrasjes.
-. Sipas burimeve tona nga Kurbini bëhet me dije se autoretë kanë hyrë në biznesin e z. Ardjan Gjeloshi të veshur me uniforma policie.
Autorët e krimit dyshohet se kanë qënë rreth 8 persona të veshur me uniforma policie. Autorët kanë qenë me dy makina Range Rover si dhe një Mercedez Benz.
Për të arritur deri në atentatin e sotëm atentatorët dyshohet se kanë pasur edhe ndihmën e shefit të policisë së Kurbin, Shkëlzen Metushi. Metushi disa ditë më parë ka shkuar në biznesin e z. ardjan Gjeloshi duke bërë kontrolle të befasishme si formë presioni.
Kjo video tregon sesi shefi i policise kurbin Shkelzen Metushi thyen kamerat nga banesa e biznesmenit Ardjan Gjeloshi qe u plagos diten e djeshme ne Lac. Shefi Shkelzen Metushi eshte ushtar i Ben Qimes se Fierit. Dhe per llogari te bandave ben terror ne Lac. Edhe ne zgjedhjet e 14 Majit ky Shkelzen Metushi ka kercenuar demokratet.
