Kryeministri Edi Rama ka qenë i pranishëm në Samitin e Dubait ku ka shprehur se do të përdorë tekonolgjinë për të përshtatur legjislacionin me BE-në.
Rama, gjatë bashkëbisedimit me Tony Blair, u shpreh se Kroacisë iu deshën 7 vite, ndërsa me teknologjinë aktuale duhen rreth 2 vite.
Edi Rama: “Për të hyrë në BE na duhet të transpozojmë të gjithë të ashtuquajturin korpus të legjislacionin europian janë më shumë se 4000 mijë akte ligjore dhe nënligjore që duhet të transferohen.
Për vendet para nesh duhej një armatë përkthyesish, certifikuesish. Kroacisë iu deshën 7 vite vetëm për të bërë këtë tranzpozim letrash, është një mal me letra. Për fat të mirë një prej figurave më të shquara të Open AI dhe Chat GPT është një zonjë shqiptare. E telefonova në momentin që Chat GPT u shfaq dhe i thashë a mund të na ndihmosh Shqipërinë të hyjë në BE.
Mendoi se po bëja shaka por jo, i thashë a mund ta përdorim këtë për të bërë tranpozimin, ajo më tha “me interes, le ta provojmë. Testet tona na treguan se mund ta bëjmë në rreth 2 vite, por duke parë se sa po përmirësohet teknologjia muaj pas muaj, koha mund të shkurtohet.”
