Kryeministri në detyrë, Albin Kurti, me të nisur mbledhjen e sotme tha se Qeveria e Kosovës e dënon sulmin ndaj zv.ministrit të Financave, Hysni Mehani, në Skenderaj, nga zyrtai i PDK-së dhe kryetari i komunës Sami Lushtaku.
Ndërkohë Sami Lushtaku më herët në reagimin e tij është shprehur se pushteti i Kurtit ka dashur të më sulmojë pa kryer asnjë veprim unë i pari.
Lushtaku rrahu zyrtarin e VV/ LDK: Gjuha e urrejtjes prodhon tension e cënon sigurinë publike!
Reagimi i Kurtit
Hysni Mehani u sulmua me grushte dhe u godit në kokë me gotë teksa po pinte kafe me deputeten Arjeta Fejza dhe aktivistët tjerë. Qeveria e Kosovës e dënon këtë sulm qyqar e të papranueshëm që e shpërfaq mendësinë bandideske. Veprimet e tilla nuk na trembin e nuk na shtyjnë të tërhiqemi nga gara politike në asnjë qytet. U bëjmë thirrje institucioneve dhe organeve të rendit e drejtësisë që me urgjencë të marrin veprimet e nevojshme ndaj përgjegjësve për këtë sulm.
