Nga Brukseli, kryeministri Edi Rama mbajti një konferencë të përbashkët shtypi me Kryeministrin e Malit të Zi, Milojko Spajic dhe Presidentit të Komitetit Europian për Ekonominë dhe Çështjet Sociale, Oliver Ropke. Rama kërkoi që Ballkani të përqafohet akoma më shumë nga BE dhe të mos pritet një tjetër goditje për të parë rëndësinë e këtij rajoni.
“Vendet kandidate nuk janë mjaftueshëm të pjekura, por meritojnë të përqafohen dhe të sillen më pranë, sikur është objektivi deri në fund.
Së fundmi po shohim që BE është shumë më i vetëdijshëm me vepra dhe jo vetëm me fjalë për rëndësinë që ka Ballkani për BE-në dhe është e trishtë që duhen Vladimir Putin për të parë këtë gjë.
Duhet të ruajmë këtë ritëm për të ecur përpara dhe të mos presim për një goditje apo katastrofë tjetër që të kujtojë njerëzit në Bruksel sa i rëndësishëm është Ballkani për BE-në” tha ai.
