Ministri i Drejtësisë, Ulsi Manja deklaroi sot se drejtori i ri i burgjeve do të vendoset në kohën dhe momentin e duhur pas largimit të Admir Abriajt.
“Po, është e vërtetë, drejtori i përgjithshëm i Burgjeve, zoti Abrija me vullnetin e tij ka dhënë dorëheqjen dhe jam i bindur që do të marrë përgjegjësi të tjera. Do ta falënderoj për punën dhe bashkëpunim për mbi dy vite.
Sot atributet e zotit Abrija i ka marrë zv/ drejtori. Sistemi i burgjeve është në një nivel tjetër. Në momentin dhe kohën e duhur, sapo të kemi një emër do ua bëjmë publike” tha ai.
