Zëdhënësi i BE-së për Politikën e Jashtme dhe Siguri, Peter Stano deklaroi se Bashkimi Evropian nuk po mendon të caktojë një takim mes Kosovës dhe Serbisë.
“Nuk kemi asgjë në bazë të së cilës mund të thërrasim një dialog të mundshëm të nivelit të lartë”, ka thënë Stano për agjencinë serbe të lajmeve “Beta”.
Borrell të shtunën përmes një mesazhi në platformën “X” tha se “stabiliteti i qëndrueshëm dhe paqja në rajon mund të arrihet vetëm nëpërmjet normalizimit të marrëdhënieve ndërmjet Kosovës dhe Serbisë”.
Stano iu referua deklaratave të presidentit të Serbisë, Aleksandar Vuçiç, që i dha të dielën, e që tha se pret një ftesë nga Brukseli këto ditë e shpreson të gjejë zgjidhje sa i përket çështjes së dinarit.
