Dy orë ka zgjatur protesta e opozitës mbrëmjen e sotme përballë Kryeministrisë. Nisi në 17:30 dhe u mbyll në 19:45. Filloi e qetë, por pas fjalës së Sali Berishës u hodhën kapsolla dhe flakadanë drejt Kryeministrisë. Tubimin e hapi Luçiano Boçi më pas fjalën e mori Flamur Noka dhe Gazment Bardhi.
Të gjithë kishin një kryefjalë; bashkimin e opozitës dhe rrugën e re të përballjes me Edi Ramën. Më pas nga arresti i shtëpisë foli Sali Berisha. Ish-kryeministri tha se shqiptarët e vranë frikën dhe uragani doli në shesh. Akuzoi ndërkombëtarët, mes tyre ambasadorët në Shqipëri se i frynë zjarrit të përçarjes së opozitës. Premtoi se përballja pa kthim sapo ka nisur.
