Kryeministri Edi Rama gjatë vizitës së tij në Turqi përmendi vendimin e shtetit turk i cili do të njohë patentat shqiptare, një vendim ky i cili do të miratohet fillim pranverën e këtij viti.
Gjatë konferencës për shtyp bashkë më Presidentin Rexhep Tahip Erdogan, Rama u shpreh mirënjohës për këtë vendim që u mor nga ana e shtetit turk, duke shtuar me humor se ndihej “i zhgënjyer” që patentat gjermane u njohën para atyre shqiptare.
“Faleminderit për lejet e drejtimit qe juve i miratuat dhe shqiptarët të lëvizini lirisht. Në këtë rast na i miratuat pas Gjermanisë por e mirëkuptoj vonesën”, tha Rama.
Këtë fillim pranvere shqiptarëve të cilët jetojnë në Turqi do iu njihet patenta shqiptare, gjithashtu edhe shtetasve turq që jetojnë në vendin tonë.