Sekretari i Përgjithshëm i PD-së, Flamur Noka, me anë të një postimi në rrjetin e tij facebook ka reaguar lidhur me takimin dhe pjesëmarrjen e Kryeministrit Edi Rama në samitin e NATO-s, këtë tëmërkurë në Turqi.
Në postimin e tij Noka shkruan se shefi i aleancës, Mark Rrutte me gjuhë diplomatike e përcolli duarbosh, Edi Ramën me mesazhin se NATO nuk do të mbajë një samit në Shqipërinë e qeverisur nga ai.
Nëdrkohë në fjalën përmbyllëse të samitit, Rrutte theksoi se samiti tjetër do të mbahet në Shqipëri, ky ishte vendimi i Hagës, ndërsa shton se do të na duhet të vendosim për kohën.
Rutte: Haga ka vendosur që samiti tjetër i NATO-s të mbahet në Shqipëri!
Postimi i Nokës
Me gjuhë diplomatike, Sekretari i Përgjithshëm i Aleancës e përcolli duarbosh Edi Ramën, me mesazhin se NATO nuk do të mbajë një samit në Shqipërinë e qeverisur nga ai.
Rama priste të kthehej në Tiranë me një “PO” sensacionale dhe një datë konkrete për samitin, por mesa duket atletet e bardha nuk tërhoqën vëmendjen që ai priste. Doemos, udhëheqësit shikohen nga koka 🧠 dhe jo nga këmbët.
Për sa kohë mbretërojnë kartelet dhe korrupsioni mbizotëron çdo sektor të jetës së vendit, narkoshteti nuk mund të jetë bujtës i samiteve të NATO-s.
