Është pezulluar nga detyra Drejtori i Agjencisë së Kadastrës Lezhë, Gentian Malotaj dhe përgjegjësi i legalizimeve Artur Shabaku.
Mësohet se këta dy zyrtarë janë nën hetim nga Prokuroria e Lezhës për “Shpërdorim detyre”, për këtë prokuroria Iva Harka ka kërkuar pezullim të tyre nga detyra, kërkesë e cila është miratuar nga Gjykata e Lezhës.
Prokuroria argumenton se dy zyrtarët kanë legalizual në kundërshtim me ligjin një pallat në zonën e Kunës në Shëngjin.
Në gjykatën e Apelit tiranë është ankimuar vendimi i pezullimit, ndërsa pak ditë më parë u pezulluan 11 punonjës pasi akuzohen për moszbatimin e një vendimi gjykate për mos kthimin në shtet të një sipërfaqe toke të tjetërsuar në zonën e Ranës e së Hedhur në Shëngjin.