Interi mori një fitore teje të rëndësishme natën e djeshme në Champions League përballë Atletiko Madrid me shifrat minimale 1-0.
Në një pjesë të parë të kujdesshme nga të dyja skuadrat, diferenca erdhi vetëm në të dytën. Si italianët ashtu dhe spanjollët treguan një ritëm të lartë loje, por rastet më të shumta i pati Interi, Atletiko nga ana tjetër kryesisht u hutua nga vendimet e arbitrit, shpesh herë kundra tyre.
Thuram u zëvendësua nga Aranautoviç, ky i fundit shpërdoroj raste të pastra për gol, dhe si për ironi të fatit do të ishte po ai që do i dhuronte fitoren zikaltërve në minutën e 80-të.
Sfida përfundoi 1-0 Interi dhe Italia korrën sukses përballë Atletiko Madrid dhe Spanjës në këtë raund të parë.
Por nëse nuk ka “një pa dy”, atëherë dhe Napoli do kërkoj me dëshpërim një sukses mbrëmjen e sotme përballë Barcelonës, një tjetër duel italo-spanjoll.
Kampionët e Italisë tashmë pa identitet në këtë sezon, vendi i 9-të në Serie A, formë e dobët në rezultate dhe për më tepër sonte do të debutojë në krye të skuadrës trajneri i tretë për këtë sezon.
Cazola zëvendëson Mazzarrin në një situatë aspak të qetë ku përballë do të ketë Barcelonën.
Të besuarit e Xavit nuk janë në top formën e tyre, por gjithsesi ngelen Barcelona dhe në letër janë dukshëm favorit në këtë përballje.
Sfida do të “Maradona” të Napolit, një emër që ka shkuar historinë e futbollit me fanellat e të dy klubeve.
