Kryeministri Edi Rama ka reaguar në lidhje me ndryshimet e miratuara sot në ligjin për Zonat e Mbrojtura, duke thënë se janë 100 % në një mendje me Bashkimin Europian.
Ai gjithashtu ka publikuar dhe reagimin e BE-së në lidhje me këtë çështje dhe thekson se në këto 10 vitet e fundit është bërë një përparim shembullor në mbrojtje të biodiversitetit.
E gjitha kjo në kuadër të vizionit Shqipëria 2030, siç citon vet Rama.
“100% në një mendje me Bashkimin Europian! Me vizionin e Shqipëria 2030 dhe vullnetin e palëkundur për ta bërë këtë vend një destinacion turistik të nivelit më të lartë mesdhetar, ne kemi bërë në 10 vitet e fundit një përparim shembullor në mbrojtje të biodiversitetit dhe sot jemi të parët në rajon për sasinë e zonave të mbrojtura. Ndryshimet e sotme e forcojnë bazën e rrugës sonë ambicioze për zhvillim të qëndrueshëm në harmoni me bukurinë mahnitëse të Shqipërisë” shkruan Rama.
💯% në një mendje me Bashkimin Europian!
*Me vizionin #Shqipëria2030🇦🇱 dhe vullnetin e palëkundur për ta bërë këtë vend një destinacion turistik të nivelit më të lartë mesdhetar, ne kemi bërë në 10 vitet e fundit një përparim shembullor në mbrojtje të biodiversitetit dhe sot… pic.twitter.com/VdR7389SMq
— Edi Rama (@ediramaal) February 22, 2024
