Tashmë është zyrtare, Real Madrid shpalosi prorektin për të qenë në Shqipëri këtë verë dhe për të testuar talentet e reja që mund të jenë pjesë e Akademisë së “Los Blancos”.
Álvaro Arbeloa, ambasadori i Real Madridit dhe trajneri U-19, priti Xhuliano Kondën, nga GK Sport, për të shpalosur programin e parë të klinikave edukative të futbollit që do të mbahet nga data 10 deri më 14 qershor në Shqipëri.
Fitimet nga këto aktivitete do të mbështesin projektet socio-sportive që Fondacioni Real Madrid po zhvillon në rajon për fëmijët në rrezik përjashtimi.
Një trajner nga Fondacioni do të udhëtojë në Shqipëri për të ndjekur të rinjtë që duan të jetojnë një eksperiencë unike përmes futbollit dhe të mësojnë vlerat me metodologjinë edukative të Fondacionit.
