Të paktën katër persona humbën jetën nga zjarri që përpiu një ndërtesë në lagjen Campanar, në Valencia, Spanjë.
Në kërkim janë 19 persona të tjerë të zhdukur, të cilët sipas të afërmve të tyre për momentin nuk kanë mundur të gjenden, shkruan “El Pais“.
Zjarri, i përmasave të mëdha ka djegur dy blloqe të bashkuara pallatesh, 14 dhe 10 kate në të cilën ka 138 shtëpi dhe ku jetojnë rreth 450 banorë.
Zjarri ka gjeneruar një kolonë të madhe flakesh dhe tymi të dendur. Në vetëm gjysmë ore, flakët kanë përfshirë të gjithë godinën, e cila përfundoi në vitin 2008.
