Lufta në Lindjen e Mesme midis Izraelit dhe Hamasit arrin në ditën e 147-të. Ushtria izraelite hapi zjarr mbi turmën në pritje të ndihmës, duke shkaktuar dhjetëra të vdekur. Ushtria izraelite thotë se ishte një aksident, sepse turma filloi të “plaçiste pajisjet” ndërsa po shpërndahej ushqimi, duke vënë në rrezik trupat.
Hamasi paralajmëron se “në këtë pikë negociatat janë në rrezik”. Shtëpia e Bardhë reagoi duke deklaruar se ishte “aksident i rëndë“. Sipas CNN, Shtetet e Bashkuara janë të shqetësuara nga mundësia që Izraeli po përgatitet për operacione tokësore në Liban në fund të pranverës.
Kina tha se “dënon fuqishëm” vrasjen e dhjetëra palestinezëve gjatë një dërgese ndihme në Rripin verior të Gazës. “Kina është e tronditur nga ky incident dhe e dënon fuqishëm atë”, tha zëdhënësja e Ministrisë së Jashtme Mao Ning. “Ne shprehim dhimbjen tonë për viktimat dhe solidaritetin tonë me të lënduarit”.
Kreu i diplomacisë evropiane, Josep Borrell, denoncoi “kërdinë e re” pas vdekjes së shpallur nga Hamasi të 112 personave gjatë një shpërndarjeje ndihme në Gaza. Edhe Franca ka dënuar “zjarrin e pajustifikueshëm izraelit“.
