Zbardhen detaje të reja nga plagosja mbrëmjen e djeshme në Pogradec. Tre persona janë arrestuar, i plagosuri është transportuar në spitalin e Traumës në Tiranë.
Alten Jolldashi është dërguar drejt Traumës në Tiranë për mjekim më të specializuar. Sipas mjekëve ka marrë 3 plagë, gju, dorë dhe tjetra në pjesën e barkut. Policia ka arrestuar autorët e dyshuar të konfliktit dhe po ashtu sekuestruan armët e krimit.
Rezulton se konflikti i djeshëm nuk ka qenë i çastit, të tre djemtë kanë qenë duke u sqaruar për një konflikt të mëparshëm të tyre dhe më pas dyshohet se Jolldashi ka hapur zjarr ndaj djemve të tjerë dhe ata i janë kundërpërgjigjur. E gjithë ngjarja ka ndodhur në një zonë të banuar të qytetit të Pogradecit.
