Një lokal në qytetin e Fierit u zbulua se ishte përshtatur me makineri dhe të gjitha kushtet për të luajtur lojëra fati. Si rezultat në pranga ka përfunduar menaxheri i lokalit F.P., 37-vjeç, i cili u kap brenda ambienteve të biznesit. Po ashtu është shpallur në kërkim pronari i lokalit A.K., 47-vjeç.
“Zbulohet një ambient i veçuar në një lokal në lagjen “Liri”, i përshtatur me makineta, celularë dhe pajisje të tjera, për lojëra fati të ndryshme.
Sekuestrohen 3 makineta të markës “Apex”, 4 dekoderë me kanale televizive që transmetonin lojëra, 1 laptop dhe 2 celularë.
Në vijim të veprimeve procedurale u kap në flagrancë dhe u arrestua shtetasi F. P., 37 vjeç, banues në Fier, menaxher në këtë lokal, si dhe u shpall në kërkim shtetasi A. K., 47 vjeç, banues në Fier, pronar i lokalit. Punohet për kapjen e 47-vjeçarit” njofton policia.
