Një 30-vjeçar i cili ishte shpallur në kërkim nga policia është arrestuar ditën e sotme në Kamëz.
I riu Gentian Koqari (Losha) është banues në Kamëz dhe mbi të rëndon akuza “vrasje e mbetur në tentativë”.
Ky shtetas ishte shpallur në kërkim pasi Gjykata e Shkallës së Parë e Juridiksionit të Përgjithshëm Tiranë i ka caktuar masën e sigurisë “Arrest në burg”, për veprat penale “Vrasja”, mbetur në tentativë dhe “Mbajtja pa leje dhe prodhimi i armëve, armëve shpërthyese dhe i municionit”.
Në vitin 2023, 30-vjeçari është konfliktuar me disa shtetas dhe gjatë konfliktit ka tentuar të qëllojë me armë zjarri njërin prej tyre.
