Disa viktima të tjera nga vrasja në Kanada ku 6 pjesëtar të një familje u vranë brenda banesës së tyre, mes viktimave janë katër fëmijë.
Viktimat janë nëna 35-vjeçare me katër fëmijët e saj të moshave nga 2 muajsh der në 7 vjeç (një djalë shtatë vjeç , dy vajza katër dhe dy vjeç, si dhe një foshnjë dy muajshe).
Viktima e gjashtë është një i afërm i familjes, 40 vjeç. Ndërkohë babai i fëmijëve shpëtoi nga sulmi. Aktualisht ai po merr ndihmë mjekësore në spital. Policia thotë se viktimat kanë marrë plagë nga një thikë dhe sende të tjera të mprehta.
Fillimisht u raportua se autori vrau viktimat me armë zjarri. Por në përditësimin e fundit policia rrëzoi skemën që autori të ketë përdorur armë zjarri.
Sipas policisë, pesë nga gjashtë viktimat (nëna dhe 4 fëmijët) sapo kishin ardhur nga Sri Lanka në Kanada.
Lidhur me rastin policia ka arrestuar një person, pasi dyshohet të jetë përfshirë në këtë ngjarje të rëndë, e cila ka tronditur Kanadanë. Sakaq hetuesit kanë përjashtuar pistën për dhunë dhe krim brenda familjes.
