Në një ceremoni përkujtimore për 27-vjetorin e Masakrës në Studime, Ushtruesja e Detyrës së Presidentes, Albulena Haxhiu, ka theksuar rëndësinë e kujtimit të këtij ngjarjeje tragjike, që shënon humbjen e jetës së 116 civilëve shqiptarë.
Gjatë fjalës së saj, Haxhiu ka folur për gjenocidin serb dhe për vuajtjet e pasuara të familjeve të viktimave.
“Më 2 maj 1999, në Studime, 116 civilë shqiptarë, fëmijë, gra, burra dhe pleq, u ekzekutuan nga forcat serbe. Ky akt gjenocidal ishte vetëm një pjesë e planit të Serbisë për spastrimin etnik në Kosovë. Pas masakrës, shumë të mbijetuar u detyruan të shpërnguleshin, ndërsa burrat që u ndanë nga kolonat u torturuan në burgje si ai i Smrekonicës. Serbia nuk i mjaftoi me vrasjen, por gjithashtu kërkoi të shkatërrojë familjet dhe të poshtërojë të mbijetuarit.
Edhe pas kaq shumë vitesh, familjet vazhdojnë të jetojnë me dhimbjen e humbjes dhe kërkojnë drejtësi. Kosova është ndërtuar mbi sakrificat e këtyre njerëzve dhe ne do të mbështesim gjithmonë kërkesën për drejtësi, duke siguruar që kriminelët e luftës të përgjigjen për veprat e tyre.”
