Luciano Deraj alias Albano Deraj, i arrestuar tre ditë më parë në Babicë të Vlorës, ka marrë sot masën e sigurisë ‘arrest me burg’ nga gjykata.
Në banesën e Derajt policia gjeti një arsenal armatimesh të ndryshme. Luciano Deraj, u arrestua si pjesë e operacionit “Knock out 6” ku në të u angazhuan krahas policisë së Vlorës dhe forcat Renea.
Deraj mësohet se përgjatë seancës gjyqësore nuk ka folur fare, duke mos dhënë asnjë reagim, përveç pyetjeve të drejtuara nga relatorja e kësaj seance.
Dyshohet se Deraj i shërbente bashkëvepronte me disa grupe kriminale në Vlorë, Fier dhe qytete të tjera.
