Tani është zyrtare, Donald Trump ka arritur nominimin e republikanëve për president duke u bërë gati për përplasjen e re me Joe Biden, presidentin aktual që siguroi nominimin demokrat të martën mbrëma.
“Sot është një ditë, një thirrje për veprim” thotë Biden. “Me zërin tuaj, me fuqinë tuaj, me votën tuaj – ejani në nëntor, ne do të votojmë në numër rekord dhe mund ta bëjmë, ne kemi fuqinë ta bëjmë.
A jeni gati? A jeni gati të mbroni demokracinë? A jeni gati të mbroni lirinë tonë? A jeni gati për të fituar këto zgjedhje?” tha ai.
Stafi i Trump postoi një video në X të ish-presidentit më vonë të martën, menjëherë pasi ai fitoi nominimin. “Kjo ishte një ditë e madhe fitoreje.
Java e kaluar ishte diçka shumë e veçantë – Super e marta – por tani duhet të kthehemi në punë sepse kemi presidentin më të keq në historinë e vendit. Emri i tij është Joe Biden dhe ai duhet të mposhtet”, thotë Trump në video.
Kjo do të jetë hera e parë që dy kandidatë do të përballen sërish për të dytën herë radhazi në zgjedhjet presidenciale në SHBA pas thuajse 70 vitesh.
