Nga asambleja e PS-së në Gjirin e Lalzit, Edi Rama u krenua edhe njëherë sot duke thënë se drejtësinë e re nuk e bëri Amerika, por socialistët. Mohoi zërat dhe lajmet e javëve të fundit se do të prekë reformën. Për arrestimet brenda qeverisë tha se shyqyr që erdhi dita.
“Thonë disa e bënë amerikanët, nuk e bëmë ne, amerikanët aty ishin edhe më parë në vendet e NATO-s dhe pro NATO-s. Pse Shqipëria të mos ishte si këto vendet e rajonit, ku tre prej tyre i kanë hapur negociatat me BE-në dhe asnjëra nuk e ka marrë reformën në drejtësi duke marrë shembull Shqipërinë.
LIVE-Rama: Çmendina mori fund, me opozitën (e Berishës) do të bëjmë reformat
Përgjigja është e thjeshtë, sepse në Shqipëri ka një parti, që e kishte në programin e saj reformën në drejtësi, fitoi zgjedhjet dhe e bëri. Nuk ka shans që të kthehemi nga flamurmbajtëse e reformës në drejtësi në flamurgrisësen e reformës në drejtësi.
LIVE-Rama hap derën për demokratët: Opozita e dërrmuar, duam gjak të ri, objektiv 50 mijë anëtarë
Ata dy komisione hetimore u ra dakord të votohen brenda kornizës së përcaktuar nga Gjykata Kushtetuese mund të ishin votuar me kohë e me vak nëse nuk do të ishin kërkuar jashtë asaj kornize. Halli i tyre nuk ishin komisionet hetimore. Të lëmë drejtësinë që të bëjë punën e saj me cdo dry të shtrembët nga radhët tona, shyqyr që ia arritëm kësaj dite” tha ai.
