Kreu i Grupit të Partisë Demokratike, Gazment Bardhi kërkoi nga Gjykata e Apelit që t’i japë fund tejzgjatjes së çështjes së logos dhe vulës së PD, pasi Gjykata e Lartë vendosi rishqyrtimin e saj.
“Pas zbardhjes së vendimit të GjL për konfliktin e brendshëm ligjor në PD, është e domosdoshme që GjA menjëherë dhe pa asnjë vonesë të mëtejshme t’i jap fund tejzgjatjes së këtij absurdi që vijon prej 2 vitesh dhe që duhet të ishte zgjidhur me vullnet e përgjegjshmëri politike.
PD është pronë e anëtarëve të saj, aset kombëtar, dhe çështje e interesit publik, që ndikon në mënyrë të drejtëpërdrejtë në jetën publike, shtetërore, institucionale të vendit. Çdo zvarritje do të ishte e papranueshme, sepse dëmton opozitën dhe përmes saj dëmton Shqipërinë!”, u shpreh Gazment Bardhi. Dje Gjykata e Lartë zbardhi vendimin që e riktheu dosjen në Apel me nje tjeter trupe.
