Gjykata më e lartë e emigracionit në Angli është duke shqyrtuar kërkesën e Berishës pas shpalljes së tij non grata për korrupsionin dhe krimin.
Zoti Berisha në sekret të plotë ka pajtuar një kompani avokatore për këtë proces, nisur paraditen e kësaj të marte.
Avokati i zotit Berisha në çelje të procesit ka deklaruar se “kjo është një çështje e jashtëzakonshme mes një udhëheqësi të një opozite dhe një vendi europian. Vendimi për zotin Berisha u mor vetëm bazuar në pretendime të mediave të huaja“.
Ndërkohë pala e paditur ministria e punëve të brendshme Home Office deklaroi se: “Qeveria e Britanisë së Madhe ka si prioritet sigurinë e vendit tonë dhe e bën këtë edhe duke promovuar sigurinë, prosperitetin dhe shtetin ligjor në të gjithë botën. Britania e Madhe ka qenë një partnere e Shqipërisë duke e mbështetur në llogaridhënien dhe ndërmarrjen e veprimeve konkrete kundra kriminalitetit dhe korrupsionit”.
