Katër të rinj dogjën dy makina gjatë natës së djeshme në Korçë ku shkak mësohet se është bërë një sherr që adoleshentët kanë pasur me 2 pronarët e mjeteve.
Për TCH ka folur dhe gjyshja e një prej djemve që iu dogj makina e cila është shprehur se nipi disa ditë më parë ishte zënë me disa djem të tjerë por nuk dinte arsyet. Ajo u shpreh se u njoftuan nga komshija gjatë natës se po i digjej makina.
Çfarë ndodhi mbrëmë?
Gjyshja: Ne po flinim mbrëmë, na lajmëroi komshia, ishte ngritur ajo se ka një fëmijë të vogël. U ngrit për fëmijën kur pa zjarrin. “Shpejt zjarr” na tha neve! Ku ka rënë ky zjarri thamë ne? U ngrit djali pastaj, nipi mori markuçin, e shuajtëm vetë. Kush kishte konflikte nga familjarët tuaj? Ne nuk kishim asnjë konflikt, ky ishte zënë me ca djem.
Kush nipi?
Gjyshja: Po nipi, siç bëjnë djemtë. Një e gjysmë ka qenë ora, nuk e di pse e bënë.
Dëgjuat zhurmë nga djegia, pati shpërthime?
Gjyshja: Asgjë nuk dëgjuam, na njoftoi komshija. E mori në telefon nipin dhe i tha “shpejt se po të digjet makina”.
