Ura 2.5 km në Baltimore, Maryland u shemb pasi një anije me kontejnerë u përplas në një nga shtyllat.
Në pamjet e publikuara në rrjetet sociale, shihet anija duke goditur dhunshëm një shtyllë dhe duke marrë flakë: pak çaste, dhe ura shembet.
Autoritetet janë ende duke verifikuar për automjetet apo këmbësorët që po udhëtonin në urë dhe ranë në momentin e shembjes.
Kryebashkiaku i Baltimores Brandon Scott tha se ai është në dijeni të incidentit dhe është në kontakt me autoritetet lokale.
Scott tha “Unë jam në dijeni. Personeli i urgjencës është në vendngjarje dhe po bëhen përpjekje.
Nuk ka të dhëna për viktima pas shembjes së urës herët në mëngjes, por raportohet se shtatë persona dhe disa automjete janë në ujë” tha ai.
