Imazhet kanë tronditur botën që kur anija e mallrave u përplas në urën “Francis Scott Key” në Baltimore duke shkaktuar shembjen e saj. Deri tani sipas raportimeve deri në 20 persona që ishin mbi urë ranë në ujë pasi anija goditi një nga shtyllat e saj.
Një operacion i madh shpëtimi është duke u zhvilluar. Ura e “Francis Scott Key”, më e madhja në zonën e Baltimores është ndërtuar në vitin 1977, është 2.6 km e gjatë dhe vlerësohet të kalohet nga 11.5 milionë automjete në vit me koston e ndërtimit të saj 110 milionë dollarë.
