Një person rreth moshës 30 vjeçare mbeti i vrarë mbrëmë si pasojë e të shtënave me armë zjarri në Prishtinë. Viktima është Egzon Haziri. Sipas Prokurorisë të plagosur janë edhe tre persona.
Gjendja e një gruaje që gjatë momentit kritik ishte duke kaluar përgjatë rrugës është më e rëndë. Ndërkaq, policia është vënë në kërkim të dy të dyshuarve, që po raportohet se janë vëllezër.
Gëzhoja, veturë e prova të tjera materiale janë gjërat që janë sekuestruar mbrëmë në rrugën “Jeronim De Rada” ku një person vdiq si pasojë e të shtënave me armë zjarri, si dhe tre tjerë u plagosën.
Zëdhënësja e Prokurorisë Themelore në Prishtinë, Laureta Ulaj ka konfirmuar për Express se sipas hetimeve preliminare bëhet fjalë për një person të vrarë dhe tre tjerë të plagosur. Sipas saj, gjendja e njërit nga personat e plagosur është e rëndë.
