Pakënaqësitë dhe zhgënjimi vazhdojnë të shtohen në ‘Stemford Bridge’, pasi Chelsea nuk arrin të fitojë edhe me 1 lojtarë më shumë. Kundër Burnley, ekipi i Pochettinos nuk shkoi më shumë se një barazim 2-2, madje duke u barazuar 2 herë nga ekipi mik, për më tepër 50 minuta blutë e Londrës luajtën me një lojtar më shumë.
Kartoni i kuq i Caktimi erdhi pak minuta para se Chelsea të shënonte me Cool Palmer i cili transformoi në gol një 11-metërsh. Për më tepër Burnley humbi dhe trajnerin Kompany i cili u ndëshkua me karton të kuq për protesta.
Deri këtu u duk se fitorja u shtrua në një tapet të kuq për të zotët e shtëpisë.
Megjithatë pjesa e dytë dha menjëherë surpriza me Burnley që barazoi shifrat në të 47-tën.
Pak para përfundimit Palmer kaloi dhe një herë në avantazh të tijët, duke treguar sezonin fantastik që po kalon në aspektin individual. E kur ‘gjakrat’ e tifozëve londinez u qetësuan, O’Shea barazoi menjëherë duke mbyllur gjithçka në 2-2.
Vuajtje pati dhe për Tottenham në sfidën përballë Luton Town, me miqtë që bënë një rezistencë të denjë.
Sfida u zhbllokua menjëherë me golin e Chong që në minutën e 3-të, me Luton që rezistoi në 45-minutat e para.
Në të dytën fati foli për Tottenham, ku një autogol i Kabore dhe një finalizim i Heung Min Son në fund vulosën fatin e 3 pikëve.
Një fitore me vlerë pasi tashmë Tottenham ndodhet në vendin e 4 në Premier League.
