Një ngjarje e rëndë ka ndodhur mbrëmjen e sotme në Elbasan, ku një 73-vjeçar S.M., është hedhur nga kati i katërt i pallatit ku banonte dhe si pasojë ka gjetur vdekjen e menjëhershme.
“Rreth orës 19:50, në lagjen “Qemal Stafa”, shtetasi S. M., 73 vjeç, dyshohet se në kushte të rënduara psikologjike të jetë vetëhedhur nga kati i katërt i pallatit ku banonte. Si pasojë e dëmtimeve të marra 73-vjeçari ka humbur jetën, në vendngjarje” njofton policia.
Grupi hetimor ndodhet në vendin e ngjarjes dhe po punon për të zbardhur rrethanat.