Në Turqi janë hapur kutitë e votimit për zgjedhjet lokale, ku mbi 61 milionë njerëz kanë të drejtë të votojnë në 81 provincat e vendit. Votimi filloi në orën 7:00 të mëngjesit me kohën lokale dhe do të vazhdojë deri në orën 16:00 në 32 provinca lindore të vendit.
Rreth 1,32 milion të rinj votojnë për herë të parë. Në garë janë kandidatë nga 34 parti politike, ndërsa në mbarë vendin janë vendosur më shumë se 206.000 qendra votimi.
Krahas krerëve të 81 provincave, do të zgjidhen 973 kryetarë të rretheve dhe 390 kryetarë bashkie së bashku me anëtarët e asambleve të përgjithshme provinciale dhe të këshillave bashkiakë.
Sytë janë nga Stambolli dhe Ankaraja nëse partia e Erdogan do të arrijë që të fitojë, apo këto dy bashki do të vazhdojë që t’i mbajë opozita.
