Disa të shtëna me armë zjarri janë raportuar në qytetin e Shkodrës.
Dyshohet se arma është shkrepur në ajër dhe nuk ka të plagosur ose të dëmtuar
Policia njoftoi se ngjarja ka ndodhur në lagjen “Skënderbeg”.
Kanë qenë dy persona që kanë pasur një konflikt të çastit për motive të dobëta dhe njëri prej tyre ka qëlluar me pistoletë.
“Rreth orës 16:00, dyshohet se gjatë një konflikti të çastit, për motive të dobëta, në lagjen “Skënderbeg”, midis shtetasve R. M. dhe E. Ç., ky i fundit ka qëlluar me armë zjarri pistoletë dyshohet në ajër, dhe më pas është larguar. Nuk ka persona të lënduar”, njoftoi policia.
Policia ka arrestuar në orët e pasdites autorin e dyshuar, shtetasin Mond Çekini.
