Deputetja demokrate, Albana Vokshi kërkoi ministren e Shëndetësisë, Albana Koçiu që të paraqitet në Komisionin për Çështjet Sociale dhe Shëndetësisë për mosfunksionimin e urgjencës në QSUT prej 2 muajsh pas zjarrit që përfshiu katin -1 të spitalit. Vokshi tha se është hapur një tender me vlerë 300 mijë euro për të kthyer në funksion urgjencën, ndërsa ende nuk ka shkaqe për zjarrin.
“Ta bënim mbledhjen në Urgjencën QSUT-së ka rreth 2 muaj që nuk funksion. Ka rënë dy herë zjarr. Nuk funksionon asnjë aparaturë. Ende pacientët shkojnë nga një spital në një spital tjetër. Me votat shumicës e rrëzuat kërkesën time ta bënim seancën në QSUT. Sa mund të ndihmoni për zgjedhjen situatës. Meqë kishte dhe 2-3 deputetë që e miratuan si propozim do të doja të vijë sa më parë ministra dhe drejtoresha, pasi para 3 ditësh një tender tjetër është dhënë për të vënë në funksionim të që është djegur dhe shkatërruar.
Tenderi është 300 mijë euro. Po shkojnë paratë e shqiptarëve në një gropë, po jepen para të tjera dhe askush nuk ka ardhur këtu në këtë komision se çfarë e shkaktoi zjarrin e parë. Ishte për shkak të vjedhjeve të 17 mln euro. Pse nuk flitet pse nuk tregojnë, cilat janë pajisjet që janë shkatërruar që janë djegur që nuk funksionojnë më.17 mln euro jo vetëm kosto, por prej dy muajsh nuk vite në funksionim godina” tha Vokshi.
