Në Bruksel, është zhvilluar një ceremoni në kuadër të 15-vjetorit të anëtarësimit të Shqipërisë dhe Kroacisë në NATO.
Ministri i Mbrojtjes, Niko Peleshi, i cili ishte i pranishëm, thotë se ceremonia është një dëshmi e solidaritetit dhe besnikërisë se vendeve tona ndaj Aleancës.
Ndër të tjera, Peleshi shprehet se Shqipëria vazhdon të përmbushë detyrat e saja.
“Ceremonia e 15-vjetorit të pranimit të Shqipërisë dhe Kroacisë në #NATO, në Bruksel, një dëshmi e solidaritetit dhe besnikërisë se vendeve tona ndaj Aleancës. Vazhdojmë të përmbushim detyrat tona, ashtu siç kemi bërë kurdoherë e kudo që ka qenë e nevojshme të radhitemi krah për krah me Aleatët dhe Partnerët tanë”, shkruan në Facebook, Niko Peleshi.
