Një person ka humbur jetën pasi derisa ishte duke peshkuar me gjenerator elektrik, në fshatin Romajë, ishte goditur nga rryma elektrike.
Lajmin e ka konfirmuar zëdhënës për media në Drejtorinë Rajonale të Policisë së Kosovës në Prizren Shaqir Bytyqi.
Viktima ( F.S.1983) me lëndime të rënda (pothuajse pa shenja jete) ishte dërguar në Qendrën Emergjente të Spitalit Rajonal në Prizren, ku mjekët i kanë dhënë tretman mjekësor dhe janë munduar ta shpëtojnë.
Me gjithë përpjekjet, njëjti për shkak të lëndimeve të marra, rreth orës 17:45 ka ndërruar jetë në Spitalin Rajonal të Prizrenit.
“Patrulla policore bashkë me njësit tjera përgjegjëse kanë dalë në vendngjarje, dhe në konsultim me prokurorin kujdestar është hap rast ‘Hetim i vdekjes’, ndërsa trupi i pa jetë dërgohet në Institutin e Mjekësisë Ligjore në Prishtinë”, ka deklaruar Bytyqi
