Një aksident i rëndë ka ndodhur në Kroaci ku një 29-vjeçare shqiptare ka shkaktuar një aksident të rëndë ku kanë humbur jetën 2 persona.
Modelja shqiptare Klevisa Ymeri ka bërë një parakalim të gabuar në zonën e Ratacit dhe është përplasur me një tjetër automjet u ndodheshin 2 të rinjtë, vëlla dhe motër.
Si pasojë e përplasjes kanë humbur jetën në vendngjarje 21-vjeçari Stjepan Đerek dhe motra e tij 19-vjeçare Katarina raporton Dubrovnik Vjensik.
Klevisa Ymeri është sjellë në Prokurorinë Komunale në Dubrovnik më 12 prill, së bashku me kallëzim penal, për shkak të dyshimit të bazuar se ka kryer veprën penale të shkaktimit të një aksidenti trafiku në komunikacionin rrugor.
Përkatësisht, Prokuroria Komunale e Shtetit në Dubrovnik i ka sugjeruar gjyqtares hetuese të Gjykatës së Qarkut në Dubrovnik që të dyshuarit t’i caktohet masa e paraburgimit, ndërsa gjyqtari hetues e ka pranuar propozimin në fjalë dhe ka urdhëruar që ajo të caktohet në paraburgim.
