Gjykata e Apelit ka liruar ditën e sotme nga qelia ish-Drejtorin e AKSH-IT Sarandë, Mariel Murati.
Ai qëndroi për rreth 26 ditë nën arrest që prej ditës kur u vetëdorëzua në Komisariatin e Sarandës.
Gjykata e Shkallës së Parë e Juridiksionit të Përgjithshëm Sarandë caktoi ndaj tij masën e sigurisë “Arrest në burg” për veprat penale “ndërtim i paligjshëm” dhe “falsifikim dokumentesh” pas kërkesës së Prokurorisë së Rrethit, e cila kishte lëshuar urdhër ndalimi për Muratin dhe 10 zyrtarë dhe ish zyrtarë të tjerë të ASHK, Bashkisë dhe IKMT.
Gjyqtari Genti Shala ka ndryshuar vendimin e Gjykatës së Sarandës, duke vendosur për lirimin e tij.
