Një 35-vjeçar ka rënë në prangat e policisë në Shkodër, pasi dyshohet se ka grabitur para, bizhuteri dhe sende me vlerë nga një banesë në fshatin Krajë.
Grabitja ka ndodhur më 21 mars, ndërkohë që autori i dyshuar është identifikuar si shtetasi me inicialet D.Ç.
“Komisariati i Policisë Shkodër, në kuadër të planit operacional “Sundimi i ligjit”, me qëllim zbardhjen e vjedhjes së një shume parash, disa bizhuterive dhe sendeve të tjera me vlerë, më datë 21.03.2024, në banesën e një 47-vjeçareje, në fshatin Krajë, kreu veprimet hetimore dhe dentifikoi e kapi autorin e dyshuar, shtetasin D. Ç., 35 vjeç, banues në fshatin Mollaz, Skrapar.
Gjithashtu, vijon puna për të zbardhur vjedhje të tjera që mund të ketë kryer ky shtetas.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër” njofton policia.
