Policia ka njoftuar se ka ndodhur një sherr mes turistëve në Himarë ku 2 kanë përfunduar në spital.
Bëhet fjalë për një konflikt mes një shtetaseje gjermane e cila dyshohet se vuan nga shëndeti mendor dhe një shtetaseje amerikane.
Si pasojë në spitalin e Vlorës ka përfunduar 54-vjeçarja amerikane për ndihmë mjekësor ndërsa shtetaseje gjermane ka përfunduar në spitalin psikiatrik të Vlorës për trajtim mjekësor.
Himarë/Informacion paraprak
Mëngjesin e sotëm, në Lukovë, dyshohet se gjatë një konflikti të çastit, shtetasja gjermane E. H., 60 vjeçe (dyshohet se vuan nga shëndeti mendor) ka shtyrë nga shkallët, shtetasen amerikane T. P., 54 vjeçe. Këto dy shtetase banonin në dy apartamente pushimi, me qira, në objektin ku ka ndodhur konflikti.
Shtetasja T. P. është transportuar në spitalin e Vlorës, për ndihmë mjekësore, ndërsa shtetasja E. H. është shoqëruar për trajtim mjekësor, në spitalin psikatrik të Vlorës.
Grupi hetimor po punon për sqarimin e plotë të rrethanave të ngjarjes. Për këtë rast janë njoftuar edhe ambasadat përkatëse.
