Publikohet fotoja e shqiptarit nga Kosova 52 vjeç, që dyshohet se ka vrarë me armë zjarri pronarin e një lokali në Dusseldorf të Gjermanisë. Ngjarja ka ndodhur në orën 2:45 të mëngjesit.
Gazeta Insajderi mëson se i dyshuari është Rrustem Llapi. Ai është arrestuar nga policia. I vrarë ka mbetur Aleksandër Stefanoviç, me nacionalitet serb, i njohur për arte marciale.
Shqiptari ka qëlluar në drejtim të 38-vjeçarit duke e lënë të vdekur. I dyshuari nuk ka ikur nga vendi i ngjarjes dhe Policia e ka arrestuar pa rezistencë.
Ekipet mjekësore kanë konfirmuar vdekjen e pronarit të lokalit.
