Dy ditë pas Konventës së Partisë së Lirisë Ilir Meta ka mbledhur kryesinë e partisë.
Gjatë fjalës së tij ai falenderoi pjesëmarrësit në Konventë dhe tha se forca politike që ai drejton duhet të kthehet në mekanizëm për të fuqizuar opozitarizimi.
“Duhet të kalojmë në veprime. Të gjithë e ndoqën konventën tonë, na vjen keq për ata që u zhgënjyen nga mbarëvajtja e mrekullueshme. Shqiptarët panë një parti që ofron vetëm transparencë.
Ne kemi një program të shkëlqyer, që ndihmon shumë qytetarë të këtij vendi që të ketë standarde. Shqipëria ka diell për të gjithë, por kaq nuk mjafton. Kjo forcë politike duhet të kthehet në mekanizëm për të fuqizuar opozitarizimi”, tha Ilir Meta.
