Janë arrestuar dy persona dhe po procedohen 2 të tjerë në Durrës për vepra të ndryshme penale.
Arrestimet në flagrancë kanë ardhur si pasojë e kryerjes së veprave penale si dhuna ndaj bashkëshortes dhe drejtimi i automjetit në gjendje të dehur.
“U arrestua në flagrancë shtetasi I. Zh., 62 vjeç, banues në Kavajë, pasi ka ushtruar dhunë ndaj bashkëshortes së tij. U arrestua në flagrancë shtetasi A. D., 59 vjeç, banues në Tiranë, pasi duke drejtuar automjetin, në gjendje të dehur, është përplasur me automjetin me drejtues shtetasin I. S., 28 vjeç, banues në Durrës, duke shkaktuar dëme materiale.” thuhet në njoftimin e policisë.
Materialet procedurale i kaluan Prokurorisë, për veprime të mëtejshme.
