Prokuroria e Posaçme (SPAK) ka mbyllur hetimet dhe ka çuar në gjyq të pandehurit e akuzuar për dosjen “Metamorfoza”, ku shfaqeshin në biseda të aplikacionit “SKY” ku porosisnin eliminimin fizik të kundërshtarëve të tyre.
SPAK ka dërguar për gjykim dosjen ndaj të pandehurve, Pëllumb Gjoka, Edmond Preka dhe Behar Brajoviç për vrasjen e Gjin Ndojit, si dhe Astmer Bilalit e Ardirit Hasanbegaj për sigurimin e mjeteve për atentatin ndaj Dorian Dulit dhe Ibrahim Licit.
Hetimi për Ervis Martinajn mbi përfshirjen e tij në këtë dosje është veçuar për shkak se është zhdukur pa gjurmë prej më shumë se dy vitesh. I shumëkërkuari, shfaqet në bisedat me Behar Bajrin të cilit i kërkon vrasjen e Gjin Ndojit.
Ish-shefi i Operacionales, Oltion Bistri akuzohet për zbulimin e të dhënave sekrete, prishjen e provave dhe korrupsionin e zyrtarëve publikë.
Prokurori i Shkodrës Xhevair Lita do të përballet me gjykatën për akuzën e akuzat e korrupsionit dhe nxjerrjes së sekretit hetimor.
