Kryetari i zgjedhur i bashkisë së Himarës Fredi Beleri ka ankimuar vendimin e GJKKO-së dhe kërkon prishjen e vendimit dhe të shpallet i pafajshëm.
Bëhet me dije se se dosja është dorëzuar të premten nga GJKKO në Apelin e Posaçëm ku pritet që të vendoset trupa gjykuese.
Fredi Beleri u arrestua dy ditë para zgjedhjeve lokale të 14 majit, duke u bërë i vetmi kandidat në Shqipëri që zgjidhej në një post publik ndërsa ishte në qeli.
Prokuroria e akuzon Belerin për “korrupsion aktiv në zgjedhje”, duke pretenduar se ka provuar tej çdo dyshimi se ai i kishte ofruar një bashkëpunëtori të policisë 50 euro për çdo votë që mund të gjente në favor të tij si kryetar i Bashkisë së Himarës. Për të njëjtën vepër penale akuzohet edhe bashkëpunëtori i tij, Pandeli Kokaveshi.
