Albin Kurti është i vendosur për zgjedhje të reja. Kryeministri i Kosovës u shpreh sot se Vetëvendosja është e gatshme për zgjedhje të reja dhe se opozita duhet të bëhet gati.
“Opozita duhet të bëhet gati, ne jemi gjithmonë gati, përndryshe nëse ata janë rehat shkon mandati”, tha Kurti.
I pyetur nga gazetarët pse së fundmi po flet për zgjedhjet, Kurti ka thënë se në takimin me kryetarin e Partisë Demokratike të Kosovës (PDK), Memli Krasniqi, ka qenë shumë e rëndësishme të diskutohet axhenda legjislative.
“Për mua ka qenë shumë e rëndësishme të diskutohet axhenda legjislative, pasi kanë mbetur shumë marrëveshje ndërkombëtare pa u votuar”, ka thënë kryeministri.
